Jodi a kè nou lou anpil, Nou pèdi yon tokay espesyal. Tokay Agens Simon kite tè sa, Men souvni li k ap klere wout la. Li te toujou pote lajwa, Avèk bèl souri li chak jou. Nan mouvman an li te limyè, Yon tokay nou pap janm bliye. Bon vwayaj, Tokay Agens Simon, Repoze anpè bò kote Granmèt la. Menm si ou ale devan nou, Ou toujou vivan nan kè nou. Bon travèse, tokay nou, Nou pap janm sispann sonje w. Lanmou w ak bonte w yo, Ap rete grave pou tout tan. Tokay Pawas Sen Josèf, Tout tokay yo ap lapriyè Pou repo nanm ou devan Bondye. Nou sonje ri w ak pawòl ou yo, Tout bèl moman nou te pataje. Kiwo Sent Klè Ti Plas Kazo Santi yon vid ki pap janm ranpli. Menm si dlo nan je ap koule, Nou remèt ou nan men Bondye. Ou te yon flanm ki pa t janm etenn, Menm nan mitan gwo tanpèt. Kounye a ou soti nan soufrans, Ou al jwenn repo nan syèl la. Bon vwayaj, Tokay Agens Simon, Repoze anpè bò kote Granmèt la. Menm si ou ale devan nou, Ou toujou vivan nan kè nou. Bon travèse, tokay nou, Nou pap janm sispann sonje w. Lanmou w ak bonte w yo, Ap rete grave pou tout tan. Bon vwayaj, Agens… N ap sonje w pou tout tan. Nan kè nou, ou rete vivan. Repoze anpè.