Dunyoda yo‘q oson ish, Har yo‘lda bordir tashvish. Xalq xizmatin sharaf bilib, Oson emas olish olqish. Tizim qattiq, sabr kerak, Ortda qolmas matonat. Forma kiygan har bir inson, Ko‘taradi ulkan mas'uliyat. Har mehnatning sururi bor, Halol yo‘lning g‘ururi bor. Adolatni teng tutaman, Deganlarning jasorati bor. Singlim, olg‘a, boshing baland, Ortingda duo, oldingda Vatan. Qonun bo‘lsin doim qalqoning, Xalq ishonchi bo‘lsin sharafing. Singlim, olg‘a, ortga qaytma, Halollikdan aslo chekinma. Alloh asrasin har qadamingni, Yorug‘ bo‘lsin kelajaging. OAVda ko‘rsak chehrangni, Faxr to‘ldirar qalblarimizni. Ayol bo‘lib elga xizmat — Bu jasorat, bu mardlikdir. Hoji onang duosin ol, Hoji otang duosin ol. Kibr degan yo‘lga kirmay, Kamtarlikni doimo tan ol. Singlim, olg‘a, boshing baland, Ortingda duo, oldingda Vatan. Qonun bo‘lsin doim qalqoning, Xalq ishonchi bo‘lsin sharafing. Singlim, olg‘a, ortga qaytma, Halollikdan aslo chekinma. Alloh asrasin har qadamingni, Yorug‘ bo‘lsin kelajaging. Alloh bersin kuch va quvvat, Hamroh bo‘lsin azmu shijoat. Xizmatingga bersin baraka, Baxtli bo‘lgin umrbod, singlim!