ቃላት ስንቅ ሆኖ ሲከፋው መለያየት ያለፉ ትዝታዎች የገፉት ዕውነት ❛❛መለያየት ሞት ነው❜❜ ብላኝ እንዳልነበር ይኀው ተለያየን ሞታ ስትቀበር አፈር ስትለብስ መሬት ሲደብቃት የአዳም ዘር እዳ ከቅፌ ሲነጥቃት ጩኀት ለቅሶ ዋይታ አጅቧት ስጠፋ ነፍስ ይማር የሚል ቃል ጆሮ ላይ ሲከፋ ሞታ ስትቀበር ❛❛መለያየት ሞት ነው ሞት መለያየት ነው❜❜ ብላኝ እንዳልነበር ይኀው ተለየቺኝ አፈር ስትለብስ እንባም አይበቃኝም ላንቺ በምን ላልቅስ የቀብርሽ እለት በልብሰተ ክህኖ ገፁን ያሳመረ ጠይም ደርባባ ቄስ ስለ ሞትሽ ትርጉም እንዲ ተናገረ ❛❛ተው አይለቀስም ምን ሰራህ ተብሎ እግዜር ይወቀሳል አፈር የተጫማ ሊበሰብስ እንጂ ተጉዞ የት ይደርሳል ህያው ልትሆን እንጂ ከፈራሽ ገላዋ ነፍሷን የነጠቀ ያልሞተ አያፈራም ዘር ሆኖ ያልወደቀ❜❜ ተዝካሯን አውጡላት ነድያን መግቡ እሱ እንደው ሩህሩህ አይጨክንም ልቡ ብለው ቢናገሩ ከበደኝ ቀብሩ በመሞት ከሆነ ህይወት የሚጀመር ውልደትሽ ምን ነበር? አንቺስ ፍቅርዬ ❛❛መለያየት ሞት ነው❜❜ ብለሺኝ አልነበር ከኔ ተለይተሽ ጀነት ብትገቢ ብትቆሚ በቀኙ ያንቺን እጣ ማግኘት ሙታን እዲመኙ ወይ ሲኦል ተጥለሽ እልፍ ብትቀጪ ልትወጪ ፀፀት ከልብሽ ብታምጪ ሞታ ስትቀበር ❛❛መለያየት ሞት ነው ሞት መለያየት ነው❜❜ ብላኝ እንዳልነበር ይኀው ተለየቺኝ አፈር ስትለብስ እንባም አይበቃኝም ላንቺ በምን ላልቅስ ስለመለየትሽ እንባ እያፈሰሱ እኔም ከንቱ አፍቃሪሽ ሞት ህያውነት ነው ብዬ እያመንኩ የሞትሽን ትርጉም ከእንባ ላይ አየሁት የሚተን እንደ ጉም...