Күктә бер йолдыз атылган чакта, Теләгән теләкләр кабул була диләр. Безнең теләгебез-син,нәнием, Син язмыштан килгән иң зур бүләгебез. Күктә янган йолдызлар арасыннан, Син безгә юл тапкансың,нәнием. Көтеп алган иң зур могҗиза булып, Ходайдан бәхет бүләге син кадерлем. Синең белән өйгә нурлар тулды, Йөрәкләргә җылылык,наз кунды. Кечкенә генә бер җан иясе- Мәхәббәтнең татлы җимеше. Әти-Әниең сине өмет белән көтте, Үз кочагына алып,назлап үпте. Бәхет булып тудың дөньяларга, Исем куштылар сиңа - Талия.